Në “Papara Park” të Trebizondës ndeshja mes ekipit vendas dhe Fenerbahçes u mbyll me skena të turpshme. Fitorja e ekipit mik në shifrat 3-2 u eklipsua nga skenat e dhunës pasi tifozët u futën në fushë.
Ish-lojtari i QPR-së Brajt Osaji-Samuel goditi me grushte një tifoz ndërsa Miçi Batshuaji goditi me shkelm një tjetër. Ish-lojtari i Çelsit dhe Krystal Palasit tentoi që të largonte tifozët kundërshtarë, të cilët e kthyen në objektiv pasi ishte ai autori i golit të fitores.
Për këtë episode mbajti sot qëndrim edhe FIFA. Xhani Infantino deklaroi se: “Dhuna që ndodhi pas ndeshjes së Superligës turke të luajtur midis Trabzonspor dhe Fenerbahçe është absolutisht e papranueshme. Këto nuk kanë vend brenda apo jashtë fushës, në sportin tonë apo në shoqërinë tonë. E kam thënë më parë dhe do ta them përsëri, në futboll, pa përjashtim”.
