Mesi akuzoi ish-skuadrën e tij se ishte i vetmi q ë nuk mori mirënjohje për triumfin në Kupën e Botës të zhvilluar në Katar. Përgjigja nga ana e presidentit nuk ka vonuar.
“Është folur shumë, nuk e di çfarë ka thënë apo ka bërë tjetër. Unë di të them se ashtu siç kanë parë të gjithë ne kemi publikuar video ku kemi përgëzuar Mesin për triumfin në Katar. E këmi përgëzuar sin ë stërvitje, por edhe nëpërmjet grumbullimeve në privat, por me gjithë respektin duhet të dini se jemi një klub francez”, tha Al-Khelaifi.
Numri një i klubit francez vazhdoi komentin duke thënë: “Nuk mund të organizonim një ceremony të madhe pasi vendi që kishte humbur finalen ishte Franca. Ne kemi shumë lojtarë francezë dhe skuadra jonë siç është edhe logjike ka tifozë të shumtë vendas”.
Një tjetër përgjigje mjaft delikate ishte edhe ajo në lidhje me të ardhmen e Mbape. Sipas numrit një të klubit francez ky diskutim mbetet për tu zgjidhur në familje. Problemet që kemi patur në familje mbeten për tu zgjidhur në familje. Jam krenar për Mbapen dhe për të gjithë ekipin”, tha Al-Khelaifi.
