Një vit ngacmimi seksual. The Sun tregon një histori shumë të veçantë në lidhje me mbrojtësin e Liverpoolit, Trent Alexander-Arnold, i cili për rreth një vit ka qenë viktimë e ndjekjes nga një grua, e cila i dërgonte foto dhe video të turpshme dhe e përndiqte kudo që shkonte, duke u paraqitur në shtëpinë e tij, në seancat stërvitore dhe madje edhe në restorantet që lojtari frekuenton zakonisht.
“Ky ka qenë më shumë se një vit djallëzor për Trent – raporton një burim i afërt me lojtarin – Kjo grua ka terrorizuar atë dhe familjen e tij, duke marrë në dorë numrin e tij dhe duke e thirrur pafund dhe duke i dërguar letra tronditëse dhe materiale të turpshme në shtëpinë e tij në Cheshire. Ishte një kohë vërtet shqetësuese, por ai bëri çmos për të mos lejuar që kjo të ndikonte në paraqitjet e tij në fushë”.
Anglezi, 25 vjeç dhe ndër interpretuesit më të mirë të rolit të tij në botë, ka punësuar një truprojë, një shërbim privat sigurie, për të mbrojtur veten dhe familjen e tij nga gruaja misterioze. Ka ndryshuar numrin e tij të telefonit dhe ka vendosur alarme dhe kamera CCTV, si dhe ka kufizuar dukshëm ekspozimin e tij në rrjetet sociale (ka pothuajse 11 milionë ndjekës në Instagram).
