Amar Koçi është nënkampion Europe për moshën deri në 16 vjeç në Kampionatin, që të martën në mbrëmje ka përfunduar në Montesilvano në Itali. Përballë Koçit ishte gjeorgjiani Natroshvili Xhiorxhi, i cili me vendim të gjyqtarisë ka fituar 4-1. Në raundin e parë gjithçka ishte për gjeorgjianin, që sipas vendimit të gjyqtarëve anësorë, që janë pesë, kishte fituar 10-9.
Ndryshojnë raportet në raundin e dytë, por përsëri për Xhiorxhin 3-2 (10-9, 9-10, 9-10, 10-9, 10-9). I fundit ishte për Koçin, 9-10, 9-10, 10-9, 9-10, 9-10. Por në përfundim medalja e artë ka shkuar për Xhiorxhin, kurse Koçi ka fituar medaljen e argjendtë, që gjithsesi ishte sukses për të dhe për boksin shqiptar.
