Pothuajse një vit ka kaluar nga nata magjike e Ëembley, që pa Italinë të triumfonte kundër Anglisë në finalen e Euro 2020. Pavarësisht parashikimeve, motoja "Po vjen në shtëpi" përsëritej kudo, tek një Wembley i veshur plotësisht që festonte për të mbështetur ‘Tre Luanët’, të besuarit e Mancinit ngritën Kupën para 60 mijë tifozëve, kryesisht anglezë. Sa spektatorë morën pjesë vërtet në triumfin e Azzurrit atë mbrëmje nuk do të dihet kurrë, të paktën sipas një investigimi të publikuar nga Daily Mail, i cili heton "problemet serioze të sigurisë" të stadiumit në Londër dhe madje flet për "korrupsion dhe rryshfet".
Më 11 korrik, rreth dy mijë tifozë kishin arritur të hynin pa biletë për të ndjekur finalen e Evropës. Problemet u përsëritën aq shumë sa një kompani që ofronte staf për finalen e FA Cup mes Chelsea dhe Liverpool do të pezullohej pasi një hetim i Sportsmail zbuloi probleme alarmante sigurie.
“FA ka nisur një hetim urgjent – shkruan edicioni sportiv i tabloidit britanik – pasi operacioni ynë i fshehtë zbuloi probleme sigurie në tre ngjarje të fundit në stadiumin kombëtar”. Një reporter i fshehtë punonte si stjuard i stadiumit dhe raportoi mangësi serioze sigurie: jo vetëm që do të ishte në gjendje ta merrte vendin e punës pavarësisht se aplikacioni i tij përmbante të dhëna të rreme, por do të ishte i pambikëqyrur për orë të tëra dhe askush nuk do t'i kontrollonte çantën përpara se të hynte.
Përveç kësaj, atij do t'i ishte ofruar një ryshfet prej një mijë paund për të hyrë në zonën VIP: stjuardët e tjerë, shkruan Daily Mail, kanë rrëfyer se i kanë pranuar paratë. "Ne kemi filluar tashmë një hetim për këtë çështje dhe kemi pezulluar kontraktorin përgjegjës për administrimin në pritje të rezultatit të këtij hetimi”, komentoi një zëdhënës i Wembley.
