Goditja e Leon Bailey në pjesën e dytë ka dëmtuar më tej shpresat e Manchester Cityt për titull, pasi Aston Villa arriti një fitore të merituar 1-0. Skuadra e Unai Emery, e cila ka fituar 14 ndeshje radhazi në Premier League në shtëpi, ishte dominuese për pjesë të mëdha të përplasjes, spanjolli arriti fitoren e tij të parë si trajner ndaj bashkatdhetarit Pep Guardiola.
Vetëm një veprim fluturues nga Ederson e pengoi Pau Torres që të thyente miqtë më përpara, ndërsa një pritje e dyfishtë nga Emiliano Martinez e mbajti Erling Haaland në kuotën zero.
Këto ishin të vetmet gjuajtje në portën për të besuarit e Guardiolës, të cilët e kaluan pjesën më të madhe të mbrëmjes duke u mbrojtur nga Bailey, Lucas Digne dhe Ezri Konsa, që të gjithë gati për të dhënë goditjen përfundimtare.
Megjithatë, goli nuk do të vononte me Bailey 74’ që më në fund e çoi skuadrën e tij në avantazh 1-0 me një përpjekje nga cepi i zonës që mori një devijim të madh dhe përfundoi në rrjetë. City u përpoq në fund, por u përball me një mbrojtje të hekurt.
Formacioni i Guardiolës nuk ka mundur të fitojë në katër ndeshjet e fundit në Premier League, duke marrë tri pikë nga 12 të mundshme.
