Pa shkëlqim por gjithsesi fitues. Novak Djokovic fiton ndaj portugezit Jaime Faria (nr.125) me rezultatin 3-1 (6-1, 6-7, 6-3, 6-2) në 3 orë e 1 minutë lojë. Një ndeshje që ishte çdo gjë tjetër veçse e lehtë për serbin.
Djokovic do të përballet në turin tjetër të Australian Open me çekun Tomas Machac, i cili mundi Reilly Opelka në 5 sete.
Tenisti serb ka luajtur ndeshjen e tij të 430-të në Grand Slame, duke kaluar legjendën Roger Federer për nga numri i ndeshjeve të luajtura në turnetë Slam dhe tashmë ai është tenisti që ka luajtur më shumë ndeshje teke në turnetë madhorë. Djokovic koleksionoi fitoren e tij numër 379 në turnetë madhorë të tenisit.
