Bagnaia ka rinovuar me Ducati për dy sezone të tjera, do të garojë me "Red" në MotoGP edhe në sezonin 2025 dhe 2026. Një histori dashurie që filloi në 2019 me ekipin satelitor Pramac dhe vazhdoi në “team factory”, me të cilin fitoi dy tituj (2022 dhe 2023): "Gjithçka ka qenë e bukur deri më tani, por ne jemi këtu për ta bërë atë të mahnitshme, së bashku, përsëri dhe përsëri”. Sezoni 2024 fillon këtë fundjavë në Katar.
“Jam shumë i lumtur që mund të vazhdoj të garoj me ekipin e ëndrrave të mia! Veshja e këtyre ngjyrave është një nder për mua. Është fantastike dhe është një krenari. Së bashku me Ducati, me ekipin tim dhe me të gjithë djemtë e Ducati Corse, arritëm të bëjmë disa gjëra të pabesueshme dhe në këto tre vitet e tjera (përfshirë vitin 2024) që na presin së bashku, do të vazhdojmë të japim maksimumin tonë për të arritur po aq suksese. Jam shumë i lumtur dhe gati për të hyrë në pistë brenda pak ditësh në Katar për garën e parë të vitit”.
