Ballkani një hap larg historisë

Ballkani merr një fitore me shumë vlera në Shkup, përballë kampiones së Maqedonisë së Veriut. Skuadra nga Kosova që drejtohet nga tekniku Ilir Daja ka arritur të përmbysë rezultatin, sepse vendasit kaluan të parët në avantazh me anë të Adentuxhi në minutën e 19. Por kampionët e Kosovës nuk është se u dorëzuan, duke barazuar shifrat në minutën e 23-të. Pas një harkimi të Thaqit nga e djathta, gjen Rrahmanin në zonë dhe ky i fundit nuk gabon duke shënuar golin e barazimit. Pjesa e dytë kishte rezervuar edhe një gol për miqtë nga Kosova. Korenica bën gjithçka vetë, merr topin në mesfushë dhe lëshon një predhë të pakapshme nga jashtë zonës që ndalet vetëm në rrjetë. Miqtë mund të kishin mbyllur ndeshjen me Krasniqin në minutën e 72’, por portieri Naumovski bën më së miri detyrën. Ndonëse janë akorduar 7 minuta shtesë, shifrat nuk ndryshojnë dhe Ballkani largohet me një fitore të çmuar nga Shkupi. Gjithçka pritet të vendoset një javë më vonë në Kosovë, ku derbi I skuadrave shqiptare, duhet të përzgjedh më të mirën për të na prezantuar në grupet e Uefa Conference League