Ndeshja e madhe e Bundesligës, ajo mes Borussia Dortmundit dhe Bayern Munichut në Westfalenstadion në javën e 12-të të Bundesligës përfundoi në barazim 1-1. Një sfidë emocionuese me Jamie Gittens që kaloi në avantazh verdhezinjtë e Şahin në minutën e 27-të, para se Musiala të barazonte në minutën e 85-të.
Bavarezët konfirmojnë kështu veten të pamposhtur në kampionat, por humbën Kane. Ish-sulmuesi i Tottenham u largua nga fusha në minutën e 33-të me atë që duket të jetë një dëmtim muskulor, i zëvendësuar nga Müller.
Bavarezët mbeten në krye të Bundesligës me 30 pikë, ndërsa Borussia Dortmund është me 20 pikë.
