Berat Gjimshiti vazhdon të mbetet në hije tek Atalanta, teksa në skuadrën e Gasperinit nuk po ia besojnë më rolin e titullarit. Kështu ka ndodhur dhe në ndeshjen e fundit, atë që Atalanta e fitoi me përmbysje me Bolonjan në transfertë 2-1. Gjimshiti është parë në fushën e lojës vetëm për dy minuta, teksa ka hyrë në të 88’ në vend të Toloi. Dhe humbja e vendit të titullarit, ndërsa për një periudhë kohore ka qenë dhe i dëmtuar, e ka detyruar Berat Gjimshitin që të kërkojë një ekip tjetër. Monza është një opsion për qendërmbrojtësin kuqezi, i cili kërkon të ketë sa më shumë minuta për të qenë gati për startin e kualifikueseve të Kampionatit Europian 2024, ndërsa Shqipëria debuton në transfertë ndaj Polonisë më 27 mars.
Ndërkohë Sokol Cikalleshi vijon të bëjë në kampionatin e Arabisë Saudite. Pikërisht kavajasi i sulmit kuqezi është iniciatori i golit të fitores të Al Kalej, ndërsa ka dhënë asistin për Martins. Gjithçka ka ndodhur në ndeshjen Al Taevun – Al Kalej 0-1. Cikalleshi, kjo që nga koha e transferimit në Turqi, jo vetëm që ka qenë i rregullt në formacionin titullar, por dhe ka shënuar dy gola. Ajo që mbetet, teksa lojtarët titullarë dhe golashënues janë të pakët, për kuqezinjtë janë minutat e pakta të aktivizimit. Që mund të kthehet në një shqetësim në rikthimin e kombëtares në fushën e lojës në mars.