I intervistuar nga Neës.Superscommesse.it, drejtori teknik te Cesena, Fabio Artico foli për të ardhmen e Cristian Shpendit: “Duke pasur parasysh atë që ka bërë këtë vit, Shpendi ka treguar se mund të qëndrojë patjetër në Serinë B. Muajt e fundit ka patur skuadra nga kategoria maksimale që janë interesuar. Më vonë do të vlerësojmë se cilat do të jenë ofertat e tyre dhe cila do të ishte rruga më e mirë për futbollistin dhe klubin”.
Kampionati u fitua me një përdorim të madh të të rinjve të akademisë: “Ai i dha një vlerë të veçantë këtij promovimi, ishte vendimtar dhe themelor për fitoren finale. Fitorja me të rinjtë e akademisë sigurisht që dha një shije tjetër, ishte shumë e bukur dhe mbi të gjitha dha një mësim të madh. Ne kemi treguar se gjërat mund të bëhen mirë edhe me djemtë më të rinj”.
Së fundi për sezonin e ardhshëm: “Kampionati i Serisë B është krejtësisht ndryshe, me vlera të tjera teknike dhe taktike, por Cesena duhet të jetë Cesena. Ambicia për të shkuar në Serie A është e mirë, por të mos e ekzagjerojmë, të flasësh për një kërcim të dyfishtë është ndoshta pak e parakohshme. Ne duhet të fillojmë ta përballojmë kampionatin e ardhshëm me qetësi dhe vendosmëri”.
