I intervistuar nga Gary Neville, presidenti i UEFA-s, Ceferin është rikthyer për të folur për Superligën: “Chelsea dhe Manchester City kanë pasur dyshime për Superligën që në fillim. Një nga dy klubet më thirri për të bashkuar forcat: nuk u pëlqeu ideja, por nuk donin të ishin të vetmit që liheshin jashtë. Më thanë se donin të vazhdonin të ishin miqtë tanë nga brenda Superligës. Në vend të kësaj, Manchester United dhe Liverpool ishin skuadrat, pronarët e të cilëve ishin shumë të përfshirë në projekt, të paktën për sa i përket anglezëve”.
Ceferin vazhdoi më pas, duke treguar se tre skuadra duan në fakt Superligën. Ai përmend shprehimisht dy klubet spanjolle (Barcelona dhe Real Madrid), ku i treti nuk përmendet drejtpërdrejt, por që mund t'i atribuohet lehtësisht Juventusit: "Pa klubet angleze, Liga e Kampionëve nuk është e njëjtë, kështu që nuk do të ketë Superligë. Edhe klubet gjermane janë në të njëjtin pozicion, nuk u bashkuan që në fillim dhe nuk kishte nevojë që njerëzit të dilnin në rrugë”.
“Nëse Bayern dhe Borussia Dortmund do të ishin bashkuar, do të kishte ndodhur, si në Angli. Kundër ishte edhe Franca dhe në Spanjë ka vetëm dy klube nga 18 që e duan. Në fund janë tre që duan Superligën, le të luajnë ata. Të gjithë të tjerëve nuk u intereson, askush tjetër nuk e dëshiron atë”.
