Humbje surprizë për Chelsean të Enzo Maresca. Fulham mori një fitore 2-1 në Stamford Bridge pavarësisht avantazhit fillestar të Cole Palmer: "Është një turp, veçanërisht me mënyrën se si e humbëm lojën në minutën e fundit”, tha pas ndeshjes trajneri i bluve, Maresca.
"Kjo ndodhi dhe tani bëhet fjalë për të rikuperuar energjinë tonë dhe për të qenë gati për të filluar përsëri pas disa ditësh. Mund ta kishim menaxhuar më mirë ndeshjen, ta kontrollonim më mirë, por mund të mësojmë diçka. E kemi thënë disa herë që jemi skuadër shumë e re, por gjëja më e rëndësishme është të shohim lojtarët të rriten dhe të përmirësohen. Nga e shtuna do të përgatitemi për ndeshjen e së hënës”.
Objektivat: "E kam thënë shumë herë që nuk ka rëndësi nëse fitojmë apo jo ndeshje, për shumë arsye nuk jemi gati për të fituar titullin. Më e rëndësishmja është të shohim skuadrën të përmirësohet”.
