Në fund të fundit, receta është shumë e thjeshtë: mos e mendoni. Pep Guardiola përgatitet për finalen e tij të jashtëzakonshme të sezonit dhe e bën atë në mënyrën e tij. Si? Duke u shkëputur. "Në përvojën time, mënyra më e mirë për t'u përgatitur për një finale është të ‘shkëputesh’ sa më shumë. Edhe fizioterapistët dhe kuzhinierët tanë kanë nevojë për pushim, sepse unë jam këtu duke punuar dhjetë orë në ditë, është një kohë stresuese", thotë trajneri i Manchester City-t. Qytetarët pritet të luajnë në dy javë në finale në FA Cup kundër Manchester United dhe më 10 qershor me Interin për Champions League.
Ja çfarë këshillon trajneri spanjoll: “Kjo është arsyeja pse u thashë të gjithëve të qëndrojnë me familjet e tyre, të luajnë golf, të bëjnë çfarë të duan. Duhet të stërvitesh pak, por të bësh pikërisht atë që bëmë për të shkuar në finale. Do të qëndroj me familjen time, do të shkoj në restorante të mira. Nuk po e harroj futbollin, megjithatë... Bëj çfarë të duash, mirë. Tani ka të bëjë me relaksimin e mendjes sa më shumë që të jetë e mundur dhe mbajtjen në formë”.
“Sidoqoftë, unë kam një plan për Manchester United ose për Interin- shtoi ai-, por do të duhet të shoh se cilët lojtarë mund të kem dhe në çfarë kushtesh do të jenë ata. Sigurisht, pasi pashë United, mbeta i impresionuar. Inter? Jam kujdesur për këtë javën e kaluar, këtë javë jam përqendruar te United”.
Së fundi, një batutë për mundësinë që City, pas fitores në Premier League, të bëjë ‘Tripletë’. "Lojtarët e dinë se në çfarë pozicioni jemi," tha ai. “Ndodh një herë në jetë të fitosh titullin tri javë para përfundimit të kampionatit dhe më pas të luash në dy finale. Tani duhet të relaksohemi, ta shijojmë dhe të përpiqemi të bëjmë më të mirën. Askush nuk mund të thotë se do të kthehemi për të pasur një mundësi tjetër si kjo”.
