Emre Can do të mbetet kapiten i Borussia Dortmund nën drejtimin e trajnerit të ri, Niko Kovac. Trajneri kroat konfirmoi në konferencë për shtyp të martën se 31-vjeçari do të mbajë shiritin e kapitenit.
"Unë e konsideroj Emre një lider. Ai mbetet kapiten, kam folur me të sot," u tha Kovac gazetarëve.
Me Dortmundin aktualisht në vendin e 11-të, Kovac është i vendosur të rregullojë anijen dhe ta çojë klubin më lart në tabelë: “Ne jemi këtu dhe synimi është të arrijmë maksimumin. Jemi të njëmbëdhjetët në renditje dhe nuk dua të flas për pozicionin. Kjo do të analizohet në fund. Kampionati do të vendoset shumë vonë. Ndeshjet e fundit do të jenë vendimtare. Duhet të kemi qëndrueshmëri. Kjo është arsyeja pse ne duam të punojmë shumë. Shpresa vjen nga puna e palodhur”.
