Kampionati Europian i moshës deri në 23 vjeç në mundje, që është duke u zhvilluar në sallën olimpike “Feti Borova” dhe që po vjen drejtpërdrejtë në rrjetin e Radio Televizionit Shqiptar, ka mbyllur stilin e lirë.
Azerbajxhani si skuadër dhe mundësit e Federatës Botërore të Mundjes si individ ishin më të mirët e këtij stili. Mundësit rus, kjo nën siglën e Federatës Botërore të Mundjes, kanë arritur në numrin shtatë të medaljeve të arta. Kështu e arta e gjashtë ka ardhur në peshën 74 kilogram, atje ku Kaniev ka fitur 5-4 me Novruzov.
Dhe e arta e shtatë ishte për një tjetër Kaniev, kjo në peshën deri në 92 kilogram, që ka mundur armenin Ibojan, 12-1. Një medalje e artë për Armeninë në peshën deri në 61 kilogram, ndërsa ka fituar 2-1 me azerbajxhanasin Alahverdiev. Më pas e artë dhe Azerbajxhani në peshën deri në 86 kilogram, atje ku Dzhoev mundi 9-2 francezin Magamadov.
Dhe e arta e fundit ishte për bullgarin Ivanov, kjo në peshën deri në 125 kilogram, teksa mundi 11-0 ukrainasin Koshanov. Turqia në vendin e dytë dhe Ukraina në vendin e tretë si ekip, ndërsa e marta dhe e mërkura do të jetë për mundjen për vajza dhe e enjtja dhe e premtja për mundjen greko-romake.
