Barcelona ka fituar ne Beograd ndaj Partizanit 79-87 nën një atmosferë të tensionuar mes tifozëve vendas. Ndeshja ishte më e mirë për Partizanin në fillim ku madje arritën të shkëputeshin me 10 pikë diferencë 21-11. Por kjo nuk do të zgjaste shumë pasi menjëherë Barcelona mori masa dhe e uli në 4 pikë diferencën 23-19 në përfundim të periodës së parë.
Më tej Barcelona shpërthen duke shënuar 30 pikë në 10 minuta, ndërsa Partizani me gabime foshnjarake pothuajse e dorëzon lojën. Në periodën e tretë ndryshon gjithçka pasi skuadra vendase rifutet në lojë me anë edhe të një farë neglizhence nga skuadra katalanase kur diferenca preku +23 pikë.
Perioda e katërt e gjen Partizanin me disa trepikësha të njëpasnjëshëm që e ulin diferencën deri në 11 pikë. Pikërisht këtu Barcelona humbet qetësinë dhe nis të humbasë topa që Partizani i kthen në kundersulme të sakta.
Në fund rezultati shënon 79-80, Partizani ia del ta ulë nga -23 në -1 pike. Në momentin më kyç është Abrines që shënon trepikëshin e sigurisë për Barcelonën që e çon në +4 . Nga aty Partizani nuk ka me shanse edhe pse tenton me gjuajtje për tri pikë dhe Barcelona merr fitoren e vështirë në ferrin e Beogradit ku njëkohësisht merr edhe vendin e parë në renditje me 7-2 ndërsa Partizani bie në vendin e 15-të me 2-7.
