Sot luhen ndeshjet e para të Play Off-it të Europa League dhe sfida më interesante e mbrëmjes, përballja Porto-Roma, do të transmetohet drejtpërdrejt në Radio Televizionin Shqiptar.
Porto është në një krizë rezultatesh në Portugali, por ka treguar se gjithmonë jep më të mirën në arenën ndërkombëtare. Roma kërkon që të vazhdojë ecurinë e mirë të viteve të fundit në Europë, duke synuar një vend mes 16 më të mirave të turneut.
Vetëm një fitore në vitin 2025, ajo në Europa League kundër Maçabi Tel Aviv dhe një sezon praktikisht i kompromentuar. Porto arrin në ndeshjen ndaj Romës në një moment shumë delikat, por gara kontinentale, mund të japë motive të ndryshme.
Për këtë arsye, skuadrës së Claudio Ranierit do t'i ndalohet nënvlerësimi i një kundërshtari që është i treti në kampionat, tetë pikë prapa liderit Sporting dhe që është eliminuar nga të dyja kupat e Portugalisë.
Formacionet e mundshme:
PORTO (3-5-2) Diogo Costa; Pedro, Perez, Djalo; Joao Mario, Moura, Varela, Eustaquio, Mora; Pepe, Omorodion. Trajner. Anselmi
Roma (3-5-2): Svilar; Mancini, Hummels, Ndicka; Saelemaekers, Koné, Paredes, Pellegrini, Angelino; Dybala, Dovbyk. Trajner. Ranieri.
