RTSH Sport Live

Fanella e Mesit në ankand për 8 milionë paund

  • 20/11/2023
  • |
  • Të tjera
Fanella e Mesit në ankand për 8 milionë paund

Mediet britanike kanë bërë me dije se fanella e veshur nga Mesi në finalen e Botërorit “Katar 2022” do të jetë shumë shpejt në ankand. Sipas ekspertëve të tregut vlera fillesatre do të jetë rreth 8 milionë paund.

Eventi do të mbahet në Nju Jork dhe sipas informacioneve të para bëhet fjalë për disa fanella (ajo e veshur nga Mesi në pjesën e parë të finales, fanella e gjysëmfinales, çerekfinales, e 16-eve dhe tre ndeshjeve në grupe). Fakti se flitet për 7 fanella e bën kaq të çmuar koleksionin, i cili do të kalojë një tjetër rekord në këtë sektor.

Siç dihet më e shtrenjta është uniforma e Çigago Bulls-ave e veshur nga Majkëll Xhordan në ndeshjen e parë të finaleve të 1998-ës. Kjo uniformë është shitur në anakand në Nju Jork për plot 8.1 milionë paund.

Të apasionuarit pas sendeve, të cilat u kanë takuar legjendave në fusha të ndryshme nuk kursehen në të tilla raste. Për shembull kitara e Kërt Kubain e përdorur në “MTV Unplugged” në 1993 u shit për plot 4.2 milionë paund në 2020-ën.

Sipas Brahm Uoçer, shefi i sendeve të koleksionueshme pranë kompanisë të ankandit Sotheby argumenton kështu vlerën e lartë të fanellave të Mesit: “Botërori Katar 2022 futet në eventet e medha pasi aty Mesi u kurorëzua si lojtari më i mirë në hisotorinë e futbollit”.