Florian Marku do të duelojë të shtunën në “Tottenham Hotspurs Stadium”, ku përballë do të ketë Maxim Prodan, për titullin ndërkombëtarë, IBF, në peshën “welter”. Por dita e sotme ka qënë mjaft e tensionuar për boksierin shqiptar, i cili në momentin që është peshuar ishte 1.8 kg më i rëndë se pesha e lejuar.
Sipas rregullores, Marku kishte vetëm dy orë kohë për të ulur peshën dhe në fund ia ka dalë mbanë. Në momentin që është bërë peshimi i dytë, ai ishte brenda peshës së lejuar. Boksieri shqiptar ka patur dhe një reagim në rrjetet sociale ku ka theksuar:
“Kam ëndërruar për ndeshje dhe stadiume të tilla gjithë jetën. Nesër është ndeshja, një ndeshje ku të gjitha ëndrrat e mia do fillojnë të bëhen realitet.Veç Zoti e di sa kam punuar për kto ditë nesër është fillimi dhe titulli i parë për mua ne Box”.
