Më 10 qershor të gjithë sytë e tifozëve të futbollit do të përqendrohen në Stamboll dhe do të fokusohen te finalja e Champions League mes Manchester Cityt dhe Interit, akti i fundit i një udhëtimi shumë të gjatë që do të dekretojë kampionët e rinj të Europës. Në pritje për të kuptuar se kush do të fitojë mes Guardiolës dhe Inzaghit, ja cili është arbitri që është zgjedhur për të drejtuar ndeshjen.
Polaku Szymon Marciniak do të jetë arbitri i finales së Champions League. Marciniak, 42 vjeç, ndërkombëtar që nga viti 2011, tashmë ka marrë drejtimin e tetë ndeshjeve të Champions këtë sezon, duke përfshirë play-off-in, por është në finalen e tij të parë të kompeticionit më të mirë evropian pasi mori drejtimin e finales së Kupës së Botës në Katar midis Argjentinës dhe Francës. Ai tashmë e ka arbitruar City-n në ndeshjen e dytë gjysmëfinale me Real Madridin këtë sezon.
Drejtues të linjës do të jenë polakët Paëel Sokolnicki dhe Tomasz Listkieëicz, gjyqtari i katërt është rumuni Istvan Kovacs, ndërsa arbitri në Var, Tomasz Kwiatowski dhe ndihmësi i tij, Bartosz Frankowski, janë gjithashtu polakë.
