Dy boksierët britanik të peshave të rënda, Anthony Joshua dhe Tyson Fury janë ndeshur kudo gjatë këtyre dy viteve të fundit, me akuza e kundërakuza, por vetëm në ring jo. Gjithsesi, ky moment duket se do të vijë në vitin 2021 dhe pikërisht në periudhën maj-qershor.
Sipas mediave angleze, përfaqësuesit e dy boksierëve po I japin dorën e fundit përgatitjes së marrëveshjes, mungojnë vetëm disa detaje të vogla. Çështjet më të rëndësishme, siç është ajo e pagesës, janë vënë në vijë.
Fury nuk duelon që nga shkurti i këtij viti, moment në të cilin i mori titullin kampion në WBC, Deontay Wilder. Ndërsa Joshua ka dueluar së fundmi, pikërisht më 12 dhjetor, përballë Pulev, ku mbrojti titujt IBF, WBA e WBO.