Tri fitore(të gjitha me përmbysje) dhe një barazim në katër stolat e para që drejton Milanin. Rrugëtimi i Sergio Conceiçao me kuqezinjtë ka sjellë tashmë një Superkupë të Italisë, por synimi i trajnerit portugez është ngjitja në tabelë me Djallin dhe sërish, pas debutimit në Arabinë Saudite, kundërshtari që do të përballet është Juventusi i Thiago Motta-s.
“Do të jetë një ndeshje e ekuilibruar, sepse ne jemi dy skuadra të forta – komentoi ai në konferencë – në krahasim me atë ndeshje do të doja të shihja një Milan më solid, por gjithsesi agresiv në fazën sulmuese”.
“Janë gjithmonë ndeshje të balancuara sepse përballen dy skuadra të forta, me lojtarë interesantë. Të gjitha ndeshjet janë të ndryshme dhe përballemi me një skuadër që doli mirë ndaj Atalantës në ndeshjen e fundit”.
“Më kohën e shkurtër në dispozicion ne po punojmë për detajet për t'u përmirësuar, të cilat janë të rëndësishme për mua. Kemi pak kohë për të punuar, sfida të rëndësishme na presin, por duhet të jemi gati për të arritur objektivat tona”.
