Nuk ka fitues në sfidën e vetme që është luajtur sot në Kategorinë e Parë, pasi Kastrioti dhe Lushnja janë ndalur në një barazim 1-1 në stadiumin “Redi Maloku” të Fushë Krujës, në ndeshjen e vlefshme për javën e 20-të të kampionatit.
Lagunarët mbyllin pjesën e parë në avantazh falë një goli shumë të bukur të shënuar nga Preknicaj, por krutanët kanë reaguar në pjesën e dytë duke barazuar shifrat me Kapllanin. Të dyja skuadrat detyrohen të ndajnë nga një pikë.
Lushnja ngjitet në kuotën e 23 pikëve dhe është vetëm 3 pikë larg zonës së Play Off-it, ndërsa Kastrioti shkon në kuotën e 16 pikëve, por vazhdon të qëndrojë në zonën e ftohtë që të zbret një kategori më poshtë.
