Pas paraqitjeve shumë të mira në Euro 2024, shumica e lojtarëve të kombëtares shqiptare janë në qendër të merkatos dhe të shumëkërkuar në treg.
Mediat ruse raportojnë se Mirlind Daku kërkohet nga Cagliari, një klub që militon në elitën e futbollit italian. Sardët kanë bërë një ofertë zyrtare te Rubin Kazan, që zotëron kartonin e sulmuesit shqiptar.
Daku është nën kontratë me rusët deri në vitin 2026, por nëse Cagliari plotëson pritshmëritë ekonomike të Rubinit, atëherë sulmuesi kuqezi mund të transferohet në Serinë A.
