Kumbulla e nisi nga minuta e parë, Bajrami u aktivizua pjesën e dytë, por... Sasuolo nuk mundi të bëjë asgjë përballë një Fiorentine të uritur. Në Franchi përfundoi 5-1 për violët falë golave të Sottil (gjithashtu dy asistime për të), dopietës së Nico Gonzalez dhe golave të Martinez Quarta dhe Barak. Goli i përkohshëm i 2-1 i miqve u shënua nga Thorstvedt.
Buzëqesh trajneri Italiano, ndërsa skuadra e tij barazohet me Napolin në kuotën e 50 pikëve, me një ndeshje për të rikuperuar, ndërkohë që fundoset skuadra e Ballardinit, e dyta nga fundi, pesë pikë prapa Frosinone, Empoli dhe Verona kur kanë mbetur vetëm katër ndeshje për të luajtur.