Lazio ka arritur të fitojë derbin duke mposhtur Romën me rezultatin 3-2 në Olimpico në një lojë plot emocione. Dominimi i skuadrës së Sarrit në njëzet minutat e para çoi në gola nga Milinkovic-Savic në 10' dhe Pedro në 19', por Ibanez shkurtoi distancën në 41'. Në pjesën e dytë Felipe Anderson në 63’ kompletoi suksesin në kundërsulm në asistimin e Immobile, duke e bërë efektivisht golin me penallti të Veretout të padobishëm pesë minuta më vonë.
Një ndeshje emocionuese, plot frymë konkurruese dhe vendosmëri në të dyja anët dhe një ambient i denjë për derbin më të mirë në Romë. Lazio e Sarri mundi Romën e Mourinhos duke luajtur një lojë të fortë, duke dominuar garën në njëzet minutat e para dhe duke hedhur themelet për pushtimin e tre pikëve, të mbrojtura në pjesën e dytë nga sulmet e verdhekuqve. Duke alternuar mbrojtjen e ulët për të përfituar nga hapësirat prapa mbrojtjes së Romës në fazat e presionit të lartë, bardhekaltërit e mundën Rui Patricio tri herë, duke iu afruar pokerit disa here, në vend që të vuajnë rikthimin e kundërshtarit.
Adrenalina nga sfida kompensoi disa vështirësi të dukshme fizike për të dyja skuadrat, por qasja e Lazios ndaj ndeshjes ishte praktikisht e përsosur. Të besuarit e Murinjos u përpoqën në momentet e fundit për të marrë diçka nga kjo sfidë, por verdikti përfundimtar është në favor të Sarrit, që rrëmben gjithçka.
