Newcastle mbërriti në Milano me vonesë për shkak të problemeve të trafikut ajror. Një situatë që shqetëson pak Eddie Howe. "Është pjesë e punës që bëjmë. Fatkeqësisht nuk kemi asnjë kontroll mbi trafikun ajror. Ishte një ditë shumë e gjatë për të gjithë ne, ishte një ditë e përjetshme. Bëmë edhe stërvitjen përgatitore, u përpoqëm të bëjmë më të mirën. Gjithçka ishte shumë e lodhshme, shpresoj të mos ndikojë te lojtarët”, tha menaxheri i Magpies pasi ekipi i tij u nis në orën 14:00 për të mbërritur në orën 21:00.
Për kthimin e Tonalit në San Siro: "Sandro ka një karakter shumë të fortë, ai është shumë i përkushtuar ndaj kauzës dhe skuadrës, po i përkushtohet me shpirt dhe trup Newcastle-it, po bën gjithçka që prisnim prej tij. Është shumë e admirueshme. Është shumë e vështirë të shkosh nga një vend në tjetrin, ai gjithmonë punon shumë. Nesër do të jetë në dispozicion”.
Përpara do të jetë Milani, që vjen nga një humbje e tmerrshme në derbi. "Pres një Milan të motivuar, por do të jetë një ndeshje ndryshe dhe derbi do të jetë tashmë pas nesh. Do të jetë një ndeshje e komplikuar, ata kanë shumë cilësi dhe një trajner fantastik. Sfida që na pret është shumë e vështirë", shtoi ai.
Objektivi në Champions League? “Ne duam të bëjmë më të mirën, kjo nuk është sekret. Duam të tregojmë stilin më të mirë të lojës”.
