Neymar po negocion një largim nga Al Hilal përpara se kontrata e tij të skadojë në qershor 2025, por mosmarrëveshjet financiare me klubin saudit po e komplikojnë marrëveshjen. Një burim brenda klubit i tha AFP se asi brazilian 33-vjeçar është në bisedime për t'u larguar, por kërkesat e tij të larta financiare mbeten një pengesë e madhe.
Sipas shtypit brazilian, Neymar synon të rikthehet në klubin ku filloi karrierën e tij, Santos, por ndërsa Al Hilal do të donte një transferim të përhershëm, lojtari duket se preferon formulën e huazimit. I mbërritur në gusht 2023 nga Paris Saint Germain në një transferim të vlerësuar në 100 milionë euro për dy sezone, Neymar luajti vetëm shtatë ndeshje për Al Hilal, duke shënuar një gol dhe duke dhënë tre asistime.
Sezoni i tij i parë u shënua nga një dëmtim i rëndë në gjurin e majtë, i pësuar në tetor 2023 gjatë një ndeshjeje në Brazil. Pas rikuperimit, duke luajtur vetëm në Ligën e Kampionëve të Azisë, Neymar pësoi një tjetër dëmtim nëntorin e kaluar, këtë herë në kofshë, gjë që e mbajti larg fushës për disa javë.
Së fundmi ai u rikthye në stërvitje por trajneri portugez Jorge Jesus shprehu dyshime për formën e tij dhe nuk do ta kishte problem ta shihte largimin e tij, ndoshta për të marrë në këmbim një yll tjetër ndërkombëtar.
