Trajneri i Manchester United, Erik ten Hag ka folur për mediat në prag të ndeshjes së sotme kundër Portos në Europa League, takim që do të transmetohet drejtpërdrejt në RTSH.
Ndonëse është në qendër të kritikave për shkak të rezultateve të dobëta në kampionat, trajneri holandez kërkon që skuadra e tij të reagojë në transfertën e sotme kundër Portos.
“Si gjithmonë kur nuk fitojmë, jemi shumë të zhgënjyer dhe jemi gjithashtu të inatosur, të inatosur me veten dhe sidomos kur humbet një ndeshje si ajo e së dielës në kampionat.
Ne jemi të inatosur dhe këtë gjë duhet ta përdorim si motivim dhe të reagojmë në ndeshjen e radhës kundër Portos” ka thënë mes të tjerash Ten Hag në konferencën për shtyp.
