Nuk ka paqe për Quincy Promes. Sulmuesi i Spartakut të Moskës, i cili tashmë ka dy dënime përfundimtare në pritje, përkatësisht 18 muaj burg për plagosjen me thikë të një kushëriri të tij dhe 6 vjet burg për trafikimin e mbi 1300 kg kokainë, u arrestua në Dubai, ku ishte në grumbullim me klubin.
Arsyeja? 32-vjeçari, sipas mediave ruse, është përfshirë në një aksident automobilistik nga i cili më pas është larguar. I ndaluar në aeroport, sulmuesi tani është në qendër të një negociate mes Emirateve të Bashkuara Arabe dhe Holandës, kjo e fundit ka bërë zyrtarisht një kërkesë për ekstradim.