Pas Daniele De Rossi dhe Ivan Juric, Roma zgjodhi t'i besonte ekipin Claudio Ranierit deri në fund të sezonit. Trajneri roman është në përvojën e tij të tretë në krye të verdhekuqve dhe ka zgjedhur të rikthehet në lojë disa muaj pasi njoftoi tërheqjen e tij pas shpëtimit të arritur me Cagliarin
"Unë gjithmonë kam thënë se do të kthehesha në lojë vetëm nëse do e kërkonte Roma apo Cagliari”. Për Ranierin, shtatë muaj në pankinë, më pas një rol menaxherial: “Marrëveshja u studiua menjëherë, kështu që unë do të jem njeriu pranë presidentit për të bërë më të mirën”.
Por fillimisht fusha: "Dua një ekip ambicioz që jep 120% në fushë. Kjo është arsyeja pse u kërkoj tifozëve të mos na shajnë gjatë ndeshjeve, por të na mbështesin”. Së fundi për mundësinë e punës me Tottin në të ardhmen: “Nuk e përjashtoj mundësinë, por nuk është prioritet për momentin”.
