Në prag të ndeshjes së Champions League kundër Salzburgut, Carlo Ancelotti u jep fund zërave për lamtumirën e tij me Real Madridin në verë. "Dua të jem shumë i qartë, unë kurrë nuk do të vendos në jetën time se kur do të largohem nga ky klub. Një ditë do të vijë ai moment, por nuk e di kur. Nuk varet nga unë. Mund të jetë nesër (qesh), pas disa ndeshjesh, pas një viti, pas pesë vjetësh... Florentino do të qëndrojë këtu edhe për katër vjet dhe synimi im është të arrij katër vitet e Florentino-s (qesh). Dhe kështu themi lamtumirë së bashku”.
Real Madridi i tij edhe me dy fitore, vështirë se do ta mbyllë grupin në top 8 dhe do të kualifikohet direkt në 1/16. "E vetmja mundësi që kemi për të mos luajtur play-off është të fitojmë të dyja ndeshjet, por nëse duhet ta luajmë atë, do të bëjmë më të mirën duke marrë parasysh që është një program kërkues. Por ne jemi mësuar me këtë lloj sfide”.
Çfarë duhet të përmirësojë skuadra? “Ne po ecim shumë mirë në sulm për sa i përket golave, duhet të përmirësohemi në fazën e mbrojtjes. Ky do të jetë çelësi i suksesit dhe nëse përmirësohemi do të luftojmë deri në fund në të gjitha garat”.
