Real Madrid, shumë i fortë për Girona. Skuadra e Ancelottit, me një mbrojtje të riorganizuar, por me një Vinicius të rikuperuar, dominon në Bernabeu, duke mposhtur skuadrën katalanase 4-0.
Duke fituar sfidën në krye të La Ligës, Los Blancos fitojnë terren më tej në renditje dhe, me një demonstrim tjetër force dhe sigurie të ofruar, gjithashtu duke pasur parasysh ngadalësimin e vazhdueshëm të ndjekësve, ata duket se kanë nisur arratisjen. Tani janë 5 pikë përpara Gironas, 11 ndaj Barcelonës (që kanë një ndeshje më pak). Një hendek që duket i pakalueshëm.
Real Madrid gëzon Vinicius në gjendje të jashtëzakonshme. I munguar në derbin kundër Atleticos, braziliani shfaqet i rikuperuar dhe tregon një nga paraqitjet e tij më të mira që prej veshjes së fanellës së bardhë. Shënoi golin e 1-0 pas 6 minutash dhe asistin për golin e dytë nga Bellingham. I tij është edhe përshpejtimi dhe gjuajtja që mundëson goditjen e lehtë të anglezit për 3-0(golashënuesi më i mirë në La Liga me 16 gola), i cili më pas doli me dhimbje në kyçin e këmbës. Në fund, Vinicius mer pjesë edhe në 4-0 të nënshkruar nga Rodrygo duke e nisur bashkëkombasin e tij drejt portës me një prekje klasi dhe saktësie.
Demonstrimi i epërsisë së gjithanshme. Joselu kishte edhe luksin të godiste shtyllën nga një penallti në minutën e 90-të. Girona pagoi për një qasje të butë, pothuajse shumë të ndrojtur dhe mungesën e Blind në fushë dhe Michel në pankinë. Por me këtë Real Madrid, i cili as nuk ju lexon të drejtat tuaja para se të hyni në veprim, ka pak vend për keqardhje.
