Kanë përfunduar pjesët e para në ndeshjet çerekfinale të Europa League ku padyshim që surpriza mban emrin Atalanta, që po udhëheq 1-0 përballë Liverpoolit, gol i shënuar nga Scamacca në minutën e 37-të.
E njëjta gjë mund të thuhet edhe për Romën, që ka kaluar në avantazh me anë të Mancinit në minutën e 17-të përballë Milanit në ndeshjen që po luhet në “San Siro”.
Leverkusen dhe West Ham e kanë mbyllur në barazim 0-0 fraksionin e parë, ndërsa Benfica udhëheq 1-0 përballë Marseille. Për portugezët goli është shënuar nga Silva në minutën e 16-të.
