Ajntrakti i Frankfurtit beson se Simon Simoni ka ta ardhme të artë, por për momentin nuk e shikon si titullar. Për t’i dhënë më shumë minuta 19-vjeçarit, skuadra gjermane ka preferuar që ta huazojë në Ingolshtad.
19-vjeçari, i cili para një viti e gjysmë u transferua për shifrën rekord të 1 milionë eurove nga Dinamo tek Eintracht Frankfurt, do të ndryshojë ambient gjatë kësaj merkatoje, por vetëm përkohësisht. Drejtuesit e Eintracht Frankfurt kanë vendosur që ta huazojnë “gardiani” kuqezi tek skuadra e Bundesligës 3.
Te Frankfurt besojnë shumë tek cilësitë e Simonit, të cilit i kanë ofruar dhe një rinovim të kontratës, ndërsa në anën tjetër kanë arritur marrëveshjen me skuadrën që militon në ligën e tretë të Gjermanisë, në mënyrë që të marrë minuta e të jetë në formë, që edicionin e ardhshëm të jetë një alternativë me potencial për portën e Eintracht Frankfurt.