Superkupa e Italisë e luajtur ditën e djeshme mes Milan-it dhe Inter-it kishte dhe pak Shqipëri brenda. Për mesfushorin e Interit finalja e djeshme ishte e para ashtu siç ishte edhe medalja që mori në fund të takimit.
Ndeshja – Sfida për Asllanin mori jetë 6 minuta nga fundi kur Inzaghi vendosi që ta aktivizonte në vend të Calhanoglu-s. Për aq sa luajti shqiptari luajti mirë duke limituar në maksimum aksionet e rrezikshme të Milan-it. Për 20-vjeçarin bëhej fjalë për ndeshjen e parë të rëndësishme ku luante për një trofe prestigjoz.
“No comment” – Në fund të takimit pas festimeve më trofeun në llogarinë e tij në “Twitter” shqiptari kishte zgjedhur dy fotografi me kupën, të cilat i komentonte me pak fjalë: “Asgjë për të shtuar”.
(Asllani dhe Lautaro në dhomat e zhveshjes duke festuar Superkupën)
Felenderimi – Mediat italiane kanë publikuar video ku Asllani, në dhomat e zhveshjes, falenderon Lautaro Martinez për trofeun e fituar.
