Carlos Alcaraz nuk do të marrë pjesë në turneun ATP 500 pikësh në Barcelonë. Pas tërheqjes nga Masteri i Monte-Carlos, spanjolli nuk do të dalë në fushë as në Katalonjë, aty ku fitoi titullin e dytë radhazi një vit më parë.
Alcaraz ka ende probleme me krahun e djathtë: sipas mediave spanjolle nuk ka dëmtim, por nr. 3 në botë lufton për të gjetur formën optimale.
Për këtë arsye Carlos zgjodhi të mos marrë pjesë në turneun e Barcelonës. Nevojitet kujdes maksimal që të jetë gati për Madridin, Romën dhe Roland Garrosin, turnetë e radhës në kalendar.
