Tirana në volejboll për meshkuj në mesditën e së martës ka mësuar kundërshtarin e saj në Challenge Cup. Kështu në raundin e 1/32 të finaleve, më 11-13 tetor dhe 18-20 tetor, Tirana e Arben Sakos do të ketë përballë sllovakët e Riker Komanos. E nëse kalon këtë skuadër në raundin e 1/16 të finaleve të Challenge Cup, Tirana do të përballet me Olimpiakosin e Pireut, kjo më 8-10 nëntor dhe 15-17 nëntor 2022.
Për Tiranën, që është kampione në fuqi e Shqipërisë në volejboll për meshkuj, por dhe fituese e Kupës së Shqipërisë, Kupës së Pavarësisë, Ligës “Gjergj Kastrioti”, ky është rikthim pas gati 26 vitesh në arenën ndërkombëtare. Gjithnjë me shpresën për të bërë mirë në Europë.