Titans Fight 5 tashmë është gati për t’u ngjitur në ring. Gjithçka do të zhvillohet në Pallatin e Sportit “Ramazan Njala” Durrës dhe do të vijë drejtpërdrejtë në rrjetin e Radio Televizionit Shqiptar. E enjtja ishte për peshimin dhe konferencën për shtyp të boksierëve.
Ndërkohë Aleksandër Kallashi dhe boshnjaku Edis Biberoviç do të jenë përballë njëri-tjetrit për brezat e titujve në versionin UBO Continental dhe UBF Europe.
Një tjetër boksier që do të ngjitet në ringun durrsak do të jetë edhe Ardit Boriçi, i cili vjen nga Franca e përballë do të ketë Okidatze të Gjeorgjisë.
18 vjeç Leo Xhangoli, por gjithsesi mendon se ka aftësitë për të qenë një boksier cilësor dhe në ringun profesionist e aq më tepër në Durrës.
Kryendeshja e mbrëmjes do të jetë Alban Beqiri me Zoltan Zabo. Kampioni i Ballkanit është i bindur në suksesin e tij, ndonëse është mbingarkesë në një kohë kaq të shkurtër të jesh në ring.
Në kikboks dallohet Mexhit Hysenaj, i cili do të përballet me Daniel Vela.
Një mbrëmje boksi, e cila do të jetë e alternuar me art. Janë të parashikuara 7 ndeshje boksi amator, 6 kikboks dhe 7 boksi profesionist. Një mbrëmje e gjitha për t’u shijuar të enjten në ekranin e Radio Televizionit Shqiptar.
