Janë mbyllur ndeshjet e Ligës së Europës, të vlefshme për fazën e 1/8-ve. Tottenham nuk fal në shtëpi përballë Dinamo Zagreb. Nga një gol për çdo pjesë lojë për skuadrën e trajnerit Mourinho dhe ai që vendos firmën është pikërisht sulmuesi Harry Kane. Një paraqitje e mirë e Spurs, të cilët në asnjë moment nuk e kanë vënë në diskutim ndeshjen.
Paraqitje mbresëlënëse edhe nga ana e skuadrës së Arsenalit, që ka arritur të marrë një fitore 3-1 në fushën e Olympiacos. Odegaard shënoi në fillim për anglezët në pjesën e parë, por El Arabi u përgjigj, duke vendosur barazpeshën e përkohshme. Gabriel dhe Elneny kompletuar suksesin e anglezëve, që me këtë rezultat shikojnë të qetë drejt çerekfinaleve.
Roma mbingarkon Shakhtar Donetsk 3-0 dhe "rezervon" kalimin e raundit, pa harruar ndeshjen e kthimit pas shtatë ditësh. Pas një fillimi taktik dhe të ekuilibruar, në Olimpico një prekje nga Pellegrini zhbllokon ndeshjen, pastaj në pjesën e dytë verdhekuqtë përforcuan pozitat falë El Shaarawy dhe Mancini.
Edhe Granada e ka mbyllur mbrëmjen me një fitore: 2-0 përballë Molde. Molina në pjesën e parë dhe Soldado në të dytën kompletuan suksesin e spanjollëve, ndërkohë që norvegjezët luajtën me një lojtar më pak që nga minuta e 71-të, Ellingsen mori kartonin e dytë të verdhë në këtë sfidë.
REZULTATET
