Ferencváros iu bashkua kompeticionit të Kupës së Hungarisë në raundin e 3 -të këtë vit. Të dielën luajti përballë FC Hatvan, duke fituar me rezultatin e thellë 9-0. Kjo sfidë ishte një shou i vërtetë për sulmuesin, Myrto Uzuni, i cili arriti të shënojë gjashtë gola.
Në pjesën e parë, pavarësisht rasteve të shumta të krijuara, Ferencvaros arriti të shënojë vetëm dy herë, të dy golat mbajnë firmën e sulmuesit kuqezi. Në pjesën e dytë ishte tjetër histori, u shënuan dhe shtatë gola, katër prej të cilëve nga Uzuni.
Lojtari i fundit që shënoi gjashtë herë brenda një ndeshje ishte ikona e klubit dhe fituesi i Topit të Artë, Flórián Albert. E arriti këtë rekord më 11 dhjetor 1960 kundër Debrecen.
FC Hatvan-Ferencvaros 0-9 (0-2)
Shënuesit: Uzuni (34., 40., 50., 59., 77., 82.), Gera (70.), Gavric (74.), Loncar (86.)
