Khephren Thuram është lojtari më i ri i Juventusit. Njoftimi nga klubi i Juventusit mbërrin në kanalet zyrtare:
“Është zyrtar transferimi i përhershëm te Juventusi i Khéphren Thuram nga OGC Nice: mesfushori i lindur në 2001 ka nënshkruar një kontratë 5-vjeçare deri më 30 qershor 2029”.
Një blerje e rëndësishme për skuadrën bardhezi, e cila e ndiqte prej disa kohësh mesfushorin francez. Operacioni sjell 20 milionë euro plus 5 milionë bonuse në arkën e Nice. Pas 23 vitesh, një tjetër Thuram do të veshë fanellën e Juves.
