Taulant Seferi është përforcimi më i ri i skuadrës së Teutës. Sulmuesi që është në pronësi të Tiranës, do të huazohet për ndeshjet që bregdetarët do të zhvillojnë në Ligën e Kampioneve. Një lajm i tillë është bërë i ditur nga klubi durrsak nëpërmjet rrjeteve sociale.
Postimi i Teutës:
Taulant Seferi huazohet per Kupat e Europes tek Teuta
Emri i katërt që i është bashkuar projektit evropian të kampionëve të shqipërisë është futbollisti i kombëtares Taulant Seferi. Ai do t’i bashkohet ekipit në formë huazimi. Seferi do të jetë një ndihmë e madhe në UEFA Champions League. Drejtuesit e Teutës falënderojnë presidentin e KF Tirana për bashkëpunimin dhe lejimin e futbollistit për t’u afruar me Teutën. Seferi do t’i bashkohet skuadrës sot në seancën e rradhës stërvitore që do të zhvillohet në Ohër.
