Barcelona po fluturon me Hansi Flick. Trajneri i ri arriti menjëherë të gjejë përshtatjen e duhur në Katalonjë, duke sjellë Yamal dhe shokët e tij në vendin e parë në renditjen e La Liga-s dhe duke arritur menjëherë të përcjellë koncepte shumë inovative të lojës, të cilat po e bëjnë Barcelonën një nga skuadrat më të mira në Evropë. Këtë e ka deklaruar edhe Lionel Messi, i cili e cilësoi Barçën e re si “spektakolare”.
Sot në konferencën për shtyp, vetë Flick, duke iu përgjigjur një pyetjeje konkrete, komentoi fjalët e legjendës së katalanasve: “Është nder që lojtari më i mirë i Barçës dhe i historisë e thotë diçka të tillë”.
“Është gjithashtu mirë që ai ndjek ekipin. Vlerëson shumë të rinjtë në ekip dhe nderon atë që ka bërë gjithmonë për këtë klub. Do të thotë shumë për ekipin”.
