Komiteti Olimpik dhe Paralimpik Francez zgjodhën të prezantojnë uniformat që do të vishen nga nëntëqind sportistët e tyre në Olimpiadën e kësaj vere. Ato janë prezantuar në ditën e parë të Modës në Paris, ku disa sportistë kanë dalë në pasarelë me veshjet, të cilat do t’i përdorin në Lojërat Olimpike të këtij viti. Kompleti sportiv, i zbuluar në selinë e Komitetit Olimpik Francez, përfshinte uniformën ditore të cilën do ta përdorin gjatë ditëve të zakonshme në fshatin olimpik, uniformat e stërvitjes dhe ato të garës.
"Ishte një projekt dyvjeçar – thotë Tony Estanget, Presidenti i Komitetit Organizativ të Paris 2024. – Veshja ka një gjel dhe është një përzierje midis blusë, së bardhës dhe të kuqes. Sportistët më thanë se donin të ishin elegantë dhe të ndritshme. Dhe rezultati është te këto uniforma me ngjyra të përziera”. Koleksioni i uniformave përmban 27,000 veshje për konkurrim, 50,000 për trajnim dhe 85,000 për përfaqësimin zyrtar. "Unë mendoj se ata janë të mrekullueshëm" – shtoi duke buzëqeshur Estanguet.
"Ne e dimë se gjithçka ka rëndësi në një olimpiadë dhe uniformat kanë një ndikim të fortë dhe rëndësi simbolike për sportistët. Unë e di këtë sepse kam qenë vetë në olimpiada" – tregon tre herë kampioni olimpik i kanoes. "Ka një guxim dhe modernitet të vërtetë në këtë uniformë të rishikuar, ndryshe nga ajo që kemi parë deri më tani". Lojërat Olimpike të Parisit do të zhvillohen nga 26 korriku deri në 11 gusht.
