Nuk ka kohë për pushim për skuadrat e Abissnet Superiore, që pasi mbyllën javën e 16-të të kampionatit bëhen gati për të zbritur në fushë për të zhvilluar ndeshjet e radhës.
Java e 17-të e Abissnet Superiore do të luhet e ndarë në dy ditë: të dielën dhe të hënën. Të gjitha takimet do të transmetohen drejtpërdrejt në rrjetin e Radio Televizionit Shqiptar.
Egnatia do të presë në shtëpi Skënderbeun, ndërsa Dinamo do të udhëtojë drejt Laçit për tu përballur me skuadrën kurbinase. Të dyja këto ndeshje do të luhen në orën 13:30. E diela do të mbyllet me sfidën Elbasani-Vllaznia, që do të luhet në orën 16:30.
Të hënën do të luhen 2 ndeshjet e fundit të javës së 17-të. Partizani udhëton drejt Ballshit për tu ndeshur me Bylisin në orën 13:30. Ndërsa në mbrëmje në orën 17:00 do të luhet ndeshja Tirana-Teuta.
