Cirkuiti në Xhide paraqet disa gracka për pilotët dhe është i vështirë për tu interpretuar. Edhe pse bëhet fjalë për garën më të shpejtë të Botërorit mes cirkuiteve, të cilat ndodhen brenda qyteteve, muret që kufizojnë pistën janë shumë pranë asfaltit dhe e bëjnë mjaft të vështirë garën.
Në Provat e Lira të zhvilluara gjatë ditës të djeshme gati të gjithë pilotët patën mjaft vështirësi në kthesën e 23-të. Ekspertët tregojnë se në kthesën e 23-të pilotët duhet që të futen me shumë shpejtësi në të djathtë dhe në atë moment në anën e majtë fushëpamja është plotësisht e mbuluar. Me fjalë të tjera kur futësh në kthesën e 23-të nuk shikon daljen.
(Fushëpamja e pilotëve në kthesën 23)
Provat Zyrtare të Çmimit të Madh të Arabisë Saudite do të keni mundësi ti ndiqni drejtpërdrejtë në RTSH duke nisur nga ora 18:00.
