Dinamo forcon dhe më shumë kreun e renditjes, teksa ka dalë fituese në transfertën e Orikut, jo pak, por me një rezultat bindës 2-4. 30 pikë për skuadrën e Nevil Dedes, që vazhdon të mbajë diferencën prej katër-pesë pikësh me vendin e dytë. Blutë kanë shënuar dy gola me Smaçin në pjesën e parë dhe dy me Denison në pjesën e dytë duke zhvlerësuar golat e vendësve realizuar nga Mateus.
Ndërkohë në vendin e dytë tanimë është Skënderbeu, që mundi në Korçë, Tërbunin 2-0. Liço me penallti dhe Sumalia dhe 26 pikë për korçarët, që kanë lënë nga pas Flamurtarin dhe Korabin me të njëjtën kuotë pikësh 25. Dibranët kanë barazuar në transfertën e Fierit 1-1. Madje ishte Lila i cili shmangu disfatën për dibranët, ndërsa më parë Apolonia kishte kaluar në avantazh me Ndubuisin.
Të dielën ajo që duhet theksuar është barazimi i Burrelit vendës me Lushnjën, si dhe fitorja e Besëlidhjes, 1-0 me Turbinën.
Më poshtë po ndiqni rezultatet e plota të javës së 14-të, kurse në të pesëmbëdhjetën bie në sy dhe duhet veçuar kryesfida e kreut Dinamo – Skënderbeu.
JAVA 14
LUZI 2008 – FLAMURTARI 0-2
TOMORI – BESA 3-3
BURRELI – LUSHNJA 1-1
BESËLIDHJA – TURBINA 1-0
ORIKU – DINAMO 2-4
APOLONIA – KORABI 1-1
SKËNDERBEU – TËRBUNI 2-0